ImF Sunnmøre er ein av krinsane innanfor Indremisjonsforbundet. Vi driv eit aktivt arbeid på lokale bedehus. ImF Sunnmøre har mange underavdelingar. Vår visjon er å byggje aktive kristne fellesskap med base i bedehusa på Sunnmøre. Vårt formål er å formidle evangeliet om Jesus. Vi ynskjer at menneske skal få eit møte med han. Krinsleiaren har det øvste åndelege, administrative, personalmessige og økonomiske ansvaret for arbeidet i ImF Sunnmøre. Det må påreknast ein god del arbeid i helg og kveld. Kontoret vårt ligg i Spjelkavik i Ålesund kommune.
Stillinga er omfatta av unntaka i likestillings- og diskrimineringslova § 9 og § 30, 3. ledd.
Du kan lese meir om oss på www.imfsunnmøre.no og www.imf.no
KVEN SER VI ETTER?
Vi søkjer ein person med gode samarbeidsevner og gode relasjonar til tilsette og frivillige. Krinsleiaren må vedkjenne seg bevisst kristen tru, og vere ein truverdig representant for ImF sitt grunnsyn, verdiar og visjonar.
Forkynning og undervisning er ein del av stillinga. Vi legg stor vekt på personlege eigenskapar.
ØNSKA KVALIFIKASJONAR
- Erfaring og kompetanse med personalarbeid
- Ein raus og inkluderande leiarstil som vektlegg samarbeid og relasjonar
- Kjennskap til og erfaring frå bedehusarbeid vil vere verdifull kompetanse til stillinga
- Høg arbeidskapasitet
- Forståing for økonomi, rekneskap og administrasjon er ein fordel
Stillinga lønnast etter avtale med utgangspunkt i ImF sitt lønnsregulativ.
Spørsmål om stillinga kan rettast til krinsleiar Johan Halsne på telefon 90642479
Søknad med CV sendast til sunnmore@imf.no
Søknadsfrist 31. mars
